ang aking kaarawan

ngayon ay ipinag-diriwang ko ang aking kaarawan. batid ka na mabilis ang pag-lipas ng panahon at di ko namamalayan na matanda na ako. hehe. oo, masasabi kong matanda na talaga ako. wala namang masama kung tumatanda ang isang tao - ang importante ay may pinag-kakatandaan.

hanggang ngayon, di ko pa rin masabi na may pinag-kakatandaan pa rin ako. hinahanap-hanap ko pa rin ang pag-takbo ko sa kalsada. pakikipag-hagaran sa mga pinsan ko sa ilalim ng buwan. pakikipag-taguan. pakikinig sa mga nakakatakot na kwento ng daddy ko at ng lola ko. ngunit habang binabalikan ko ang mga ala-alang iyon, lalo kong napapansin na matanda na talaga ako. dahil ilang taon na ang lumipas at di na maaaring balikan. ang kailangan lang, humakbang patungo bukas.

nakakatawa. matanda na ako...sa ngayon, ang importante sa akin ay mga bagay na kailangan kong gawin sa sarili ko, sa mga taong nagmamahal sa akin, at sa mga Diyos na laging pumapatnubay sa akin.

maligayang kaarawan edward!

Posted in: chicago,happy